Pentref hamdden
Penrhos
Cynnig wedi’i
gynllunio’n ofalus
Rydym yn paratoi’r cynlluniau manwl sydd eu hangen i symud ymlaen gyda phentref gwyliau newydd ym Mhenrhos. Mae ein dull yn cael ei lunio gan y dirwedd ac mae’n anelu at amddiffyn a gwella’r coetir a’r lleoliad arfordirol.
Rhoddwyd caniatâd cynllunio amlinellol ar gyfer datblygiad hamdden ym Mhenrhos yn 2016, ar gyfer hyd at 500 o gabanau gwyliau. Mae’r cam hwn o’r broses gynllunio yn canolbwyntio ar ddyluniad manwl y cynllun, gan gynnwys trefniant y safle, tirlunio, ymddangosiad a rheolaeth amgylcheddol, o fewn y cynllun a gymeradwywyd eisoes.
Cymeradwywyd cais Materion a Gadwyd yn Ôl ar wahân ar gyfer Parc Arfordirol Penrhos yn 2020. Roedd yn ymwneud yn benodol â’r llwybr arfordirol ac ardaloedd eraill a oedd yn hygyrch i’r cyhoedd o fewn y parc. Roedd y gwaith a gymeradwywyd wedi’i gyfyngu i dirlunio a rheoli ecolegol, heb unrhyw strwythurau adeiledig wedi’u cynnig. Dechreuodd y gwelliannau hyn ar y safle yn 2021.
Nid yw’r ail gais Materion a Gadwyd yn ôl hwn yn effeithio ar y Parc Arfordirol. Yn hytrach, mae’n cwmpasu dyluniad manwl yr holl strwythurau adeiledig o fewn Penrhos ac yn cynnwys cynigion i agor Cae Glas fel gwarchodfa natur gyhoeddus, fel sy’n ofynnol o dan y caniatâd cynllunio hybrid a’r cytundeb Adran 106 cysylltiedig.
Mae ein dull yn rhoi mynediad cyhoeddus, natur, ansawdd dylunio a stiwardiaeth hirdymor yn y lle cyntaf. Bydd y prosiect yn cefnogi swyddi lleol diogel ac yn helpu i gryfhau economi ymwelwyr Ynys Môn drwy gydol y flwyddyn.
Cynigion
Mae Pentref Hamdden Penrhos yn cynnwys arfordir, coetir, nodweddion treftadaeth a llwybrau a ddefnyddir yn helaeth. Mae’r dyluniad yn parchu’r rhinweddau hyn ac yn cadw’r datblygiad dan arweiniad y dirwedd.
Dull sy’n cael ei arwain gan y dirwedd
Mae’r cynllun yn dilyn y tirffurf a’r coridorau ecolegol. Mae’r cabanau wedi’u lleoli mewn clystyrau bach i osgoi patrymau dwys neu drefol. Mae deunyddiau a graddfa yn lleihau’r effaith weledol yn unol â’r caniatâd amlinellol.
Diogelu cymeriad naturiol
Bydd y cynlluniau’n:
- Cadw a rheoli coetir aeddfed
- Creu cynefinoedd newydd a phlannu wedi’i dargedu
- Cynnal a gwella llwybrau arfordirol a llwybrau coetir
- Defnyddio goleuadau sensitif i ddiogelu awyr dywyll a bywyd gwyllt
Amgylchedd croesawgar i bawb
Mae mynediad cyhoeddus yn ganolog i’r cynigion. Bydd Gwarchodfa Natur Cae Glas yn cynnwys llwybrau newydd, arwyddion clir a chanolfan ymwelwyr fach gyda thoiledau, seddi, gwybodaeth leol a dehongliad.
Agor cyfleoedd newydd
Mae’r cynigion yn cefnogi defnydd trwy gydol y flwyddyn gan drigolion, cerddwyr, teuluoedd a grwpiau cymunedol. Maent hefyd yn sefydlu rheolaeth hirdymor i ddiogelu natur a mynediad cyhoeddus ar gyfer y dyfodol
Diogelu treftadaeth
Mae’r cynigion yn diogelu asedau hanesyddol ar draws y safle, yn gwella eu gwerth treftadaethol ac yn diogelu golygfeydd allweddol
Cefnogi swyddi lleol diogel
Bydd y prosiect yn creu cyfl ogaeth hirdymor ar draws y diwydiant adeiladu, gwasanaethau safl e, cynnal a chadw a lletygarwch, gan gefnogi cyfl ogaeth sefydlog drwy’r fl wydddyn i drigolion lleol.
Mynediad i’r cyhoedd a chyfl eusterau
Mae’r cynigion yn cynnwys gwelliannau i gyfl eusterau cyhoeddus, gan gynnwys toiledau wedi’u hadnewyddu a darpariaeth parcio, yn ogystal â chyfl eusterau ymwelwyr a fydd ar agor i’r cyhoedd yn y Badd-du a Chae Glas. O ganlyniad i’r cynigion, bydd trefniadau mynediad y cyhoedd ar draws y safl e yn newid. Er y bydd mynediad y cyhoedd yn cael ei gyfyngu mewn rhai ardaloedd, bydd modd parhau i fwynhau’r safl e o Lwybr yr Arfordir.
Symud o gwmpas y safle
Byddwn yn blaenoriaethu cerdded, beicio a thrafnidiaeth gyhoeddus. Mae’r mesurau’n cynnwys llwybrau gwell, bws gwennol i Gaergybi, cadw llwybrau allweddol presennol lle bo modd a rheoli traffig yn ofalus. Mae’r camau hyn yn cefnogi symudiad diogel ac yn lleihau’r defnydd o geir.
Rheoli adeiladu
Bydd y gwaith adeiladu’n cael ei gyflwyno a’i reoli’n raddol. Bydd cynllun yn gosod oriau gwaith, llwybrau dosbarthu, amddiffyniad ar gyfer mynediad cyhoeddus, mesurau diogelwch amgylcheddol a rheolaethau ar sŵn a llwch.
Beth fydd y cais materion a gadwyd yn ôl yn ei gynnwys
Cynllun: Cabanau, llwybrau, mannau gwyrdd a phwyntiau mynediad
Graddfa ac ymddangosiad: Dyluniadau adeiladu sy’n addas i’r coetir a’r arfordir
Tirlunio: Plannu, creu cynefinoedd a rheolaeth hirdymor
Mynediad: Llwybrau cerddwyr, beiciau, cerbydau a llwybrau brys
Draenio: Systemau cynaliadwy I amddiffyn yr amgylchedd
Cwestiynau
cyffredin
Beth yw Pentref Hamdden Penrhos?
Mae’n gyrchfan gwyliau arfaethedig yng Nghaergybi. Mae’n darparu hyd at 500 o letyau a bythynnod, cyfleusterau hamdden, bwytai, sba a gweithgareddau teuluol. Mae’r cynlluniau hefyd yn agor Cae Glas fel gwarchodfa natur gyhoeddus newydd gyda llwybrau cerdded, mannau gwyrdd a chanolfan ymwelwyr.
Beth yw cais Materion a Gadwyd yn ôl?
Dyma’r cam manwl sy’n dilyn caniatâd cynllunio amlinellol. Mae’n dangos sut olwg fydd ar y safle a sut y bydd yn gweithio, gan gynnwys cynllun, mynediad, dyluniad, tirlunio a mesurau amgylcheddol. Gall pobl ddarllen y cynlluniau a rhannu barn cyn i unrhyw waith ddechrau.
Sut fydd y datblygiad o fudd i’r ardal leol?
Mae’r cynigion yn dod â buddsoddiad a swyddi hirdymor. Maent yn cynnwys tua £250 miliwn o fuddsoddiad, tua 280 o swyddi llawn amser ar y safle, 66 o swyddi anuniongyrchol yn yr economi leol a hyd at 600 o swyddi adeiladu. Y nod yw cadw cymaint o werth â phosibl ar yr ynys.
A fydd Cae Glas a llwybrau cerdded lleol yn parhau i fod yn hygyrch?
Byddant. Bydd Cae Glas yn cael ei agor i’w ddefnyddio gan y cyhoedd gyda llwybrau newydd a gwell, mannau gwyrdd a lleoedd ar gyfer hamdden tawel. Mae mynediad cyhoeddus i Barc Arfordirol Penrhos yn parhau o dan gymeradwyaeth 2020.
Sut fydd traffig a mynediad ymwelwyr yn cael eu rheoli?
Bydd asesiad trafnidiaeth yn llywio’r dyluniad. Bydd bws gwennol yn rhedeg o Ganol Tref Caergybi. Bydd llwybrau cerdded a beicio yn cael eu gwella. Bydd traffig adeiladu yn defnyddio llwybrau y cytunwyd arnynt i leihau aflonyddwch.
Ymgyrch gwybodaeth
gyhoeddus
Rydym yn cynnal cyfres o ddigwyddiadau gwybodaeth gyhoeddus fel y gall trigolion ddysgu mwy am y cynigion.
Bydd y digwyddiadau hyn yn egluro’r cynlluniau manwl, yn ateb cwestiynau cyffredin ac yn dangos sut mae’r cais Materion a Gadwyd yn Ôl wedi’i lunio.
Rhannwch eich sylwadau
Er bod cwmpas cyffredinol y prosiect eisoes wedi’i bennu drwy ganiatâd cynllunio amlinellol 2016, rydym yn croesawu sylwadau ar y cynlluniau manwl yr ydym yn eu cyflwyno.
Gallwch rannu eich sylwadau drwy:
Ebost: wales@consultation-online.co.uk
Ffon (Freephone): 0800 066 8294